Home Kronika Haziri kërkon që të respektohen rregullat kundë Covid-19

Haziri kërkon që të respektohen rregullat kundë Covid-19

101
0

Gjilan, 5 maj 2020 – Komiteti për menaxhimin e emergjencave në Gjilan kundër përhapjes së Covid-19, e ka vlerësuar gjendjen e qetë dhe stabile, pasi u bë një javë që nuk ka pasur asnjë rast pozitiv.

Kryetari i Gjilanit, Lutfi Haziri, ka thënë se të gjitha rastet janë në monitorim të institucioneve. Ndërkaq, ka shtuar se përkundër lehtësimit të masave në sektorin e ekonomisë dhe lirisë së lëvizjes, të mos shkelen rregullat e përcaktuara.

“Kjo nënkupton që nuk mund të dilni në vende publike më shumë se dy herë që janë të përcaktuara nga 90 minuta. Patjetër duhet të përdoren dorëzat e maskat. Në vendet publike nuk ka lejeqëndrim.
Edhe më tutje nuk mund të shfrytëzohen parqet dhe vendet e gjelbëtra për rekreacion, sport e aktivitete tjera”, ka thënë Haziri, sot.

Ai, me këtë rast, ka njoftuar se është varrosur i ndjeri Agon Musliu, i cili vdiq tragjikisht të dielën.

Haziri i ka shprehur ngushëllimet më të sinqerta familjes Musliu, banorëve të Livoçit të Epërm dhe të gjithë qytetarëve të Gjilanit.

LEAVE A REPLY

Please enter your comment!
Please enter your name here