Home Kult/Arsim Nuk janë përgatitur shkollat – SBASHK-u kërkon shtyrjen...

Nuk janë përgatitur shkollat – SBASHK-u kërkon shtyrjen e vitit të ri shkollor

149
0

Sindikata e Bashkuar për Arsim, Shkencë dhe Kulturë (SBASHK), po kërkon që viti i ri shkollor të shtyhet për 10 ditë.

Kryetari i kësaj sindikate, Rrahman Jasharaj, tha për Radion Evropa e Lirë se shkollat nuk i kanë përfunduar përgatitjet për fillimin e mësimit në kohë pandemie.

“Kërkojmë që viti i ri shkollor të shtyhet për disa ditë, në mënyrë që të përfundojnë përgatitjet dhe të tejkalohen lëshimet eventuale. Nuk janë përgatitur klasat për të siguruar distancë fizike, mungojnë dezinfektuesit, madje ka shkolla që ende kanë telashe me renovime, me përgatitje sanitare dhe të tjera. Mendojmë që viti i ri shkollor të fillojë në tri faza me 15 shtator”, tha Jasharaj.

Ndërkaq, në një komunikatë për media, SBASHK-u, ka kërkuar nga Qeveria e Kosovës dhe Ministria e Arsimit dhe Shkencës që të pajisen shkollat me dezinfektues, të caktohen persona përgjegjës, po jo mësimdhënësit, për matjen e temperaturës së nxënësve.

Gjithashtu, është kërkuar që në shkolla të ketë personel mjekësor kujdestar, së paku në shkollat që kanë më shumë se 500 nxënës, të sigurohen maska dhe mjete mbrojtëse për punëtorët arsimorë të ketë lista të mësimdhënësve rezervë, të lëshohen vendime për lirimin e përkohshëm nga procesi mësimor të punëtorëve arsimorë të sëmurë dhe ata të vazhdojnë të marrin paga gjatë gjithë kohës së pandemisë dhe të krijohen mundësi për kryerjen e testit për COVID-19 të personelit arsimor, thuhet në komunikatën e SBASHK-ut.

LEAVE A REPLY

Please enter your comment!
Please enter your name here